सिम स्वॅप फसवणूक

 

काय काळजी घ्यावी?

१. अज्ञात व्यक्तीशी आपली वैयक्तिक माहिती तसेच त्यासंदर्भातील कोणतीही कागदपत्रे शेअर करू नयेत.
२. डेबिट कार्डचा नंबर, कार्डची मुदत संपण्याचा दिनांक, कार्डच्या मागे असलेला तीन अंकी ‘सीव्हीव्ही’ क्रमांक कोणाशीही शेअर करू नये.
३. अनोळखी ठिकाणी कोणत्याही महत्त्वाच्या कागदपत्रांच्या झेरॉक्स काढू नका.
४. अनोळखी व्यक्तीने एसएमएसद्वारे किंवा ई-मेलद्वारे पाठविलेल्या कोणत्याही लिंकद्वारे आपल्या वैयक्तिक माहिती संदर्भातील कागदपत्रांच्या प्रती शेअर करू नयेत.
५. कोणतीही बँक आपल्या खातेदाराला फोन करून त्याच्या डेबिट कार्डची माहिती विचारत नाही, त्यामुळे बँकेतून बोलत आहे असे सांगून कोणीही फोनवरून आपल्या कार्डसंदर्भातील माहिती विचारल्यास माहिती सांगू नये.
६. महत्त्वाच्या (आधार कार्ड, पॅन कार्ड, पत्त्याचा पुरावा इ.) कागदपत्रांच्या झेरॉक्स काढताना खबरदारी घेऊन, समोर उपस्थित राहून काढून घ्या.
७. झेरॉक्स काढताना एखादी झेरॉक्स खराब आल्याचे निदर्शनास आल्यास दुकानदार ती कॉपी कचऱ्यात टाकतो. अशा वेळी सदर प्रत मागून घेऊन स्वतःकडे ठेवावी अथवा फाडून टाकावी.
८. मोबाईल कनेक्टिव्हिटी समस्येकडे दुर्लक्ष करू नये. अशी समस्या वारंवार येत असेल, तर संबंधित कंपनीशी संपर्क साधून तक्रार नोंदवावी.
९. बँकेतील खात्यावर होणाऱ्या व्यवहारासंदर्भातील माहिती प्राप्त होण्यासाठी एसएमएस व ई-मेल अशा दोन्ही पर्यायांसाठी बँकेकडे नोंदणी करावी.